https://www.youtube.com/watch?v=O4BmqlwZlvc
ఆకాశం ఏనాటిదో..అనురాగం ఆనాటిది..(2)
ఆవేశం ఏనాడు కలిగెనో ఆనాడే తెలిసిందది(2)
ఆకాశం ఏనాటిదో అనురాగం ఆనాటిది(2)
ఏ పువ్వు ఏ తేటిదన్నది ఏనాడో రాసున్నది
ఏ ముద్దు ఏ మోవిదన్నది ఏ పొద్దో రాసున్నది
బంధాలై పెనవేయు మనసుకు అందాలే దాసోహమనగా
మందారం విరబూయు పెదవులు మధువులనే చవిచూడమనగా
పరువాలే..ప్రణయాలై..
స్వప్నాలే..స్వర్గాలై..
ఎన్నెన్నో శృంగార లీలలు
కన్నుల్లో రంగేళి అలజను(ఆకాశం)
ఏ మేఘం ఏ వాన చినుకై చిగురాకై మొలకెత్తునో
ఏ రాగం ఏ గుండె లోతున ఏ గీతం పలికించునో
హృదయాలే తెరతీసి తనువుల కలబూసి మరపించమనగా
కౌగిలిలో చేరవేసు మదనుని కరిగించి గెలిపించమనగా
మోహలే..దాహాలై..సరసాలే..సరదాలై..
కాలాన్నే నిలదీసి కాలాలకు
ఇవ్వాలి వెలలేని విలువలు..(ఆకాశం)
No comments:
Post a Comment